Annèxa:Plurals irregulars en occitan

La formacion del plural

La formacion del plural dels adjectius e dels noms càmbia pauc.

1. D'un biais general lo plural s'obten en apondre "s" a la forma del singular.

òme → òmes

femna → femnas

blanc → blancs

blanca → blancas

• L'excepcion son los plurals dits "sensibles" presents unicament en lengadocian: Los mots acabats per "ç, s, is, ch, g, sc, st" fan son plural en "es".

braç → braces

tais → taisses

mois → moisses

païs → païses

pas → passes

cas → cases

las → lasses

fach → faches

puèg → puèges

bòsc → bòsques

trast → trastes

trist → tristes

abondós → abondoses

fus → fuses

ros → rosses

• Los plurals sensibles dits "abusius" : d'unes articles, pronoms o adjectius fan tanben son plural en "es".

un → unes

aquel → aqueles

el → eles

• Los mots en "tz" fan son plural en "ses".

votz → voses

cantairitz → cantairises

Excepcion: la patz → las patz

2. Los noms d'ostal prenon la marca del plural.

      los Andrieus, los Negres, los Ortolans, los Bòsques, los Rosses

3.Los noms emplegats dins un sens collectiu o partitiu an pas de plural.

      la polalha, l'aujam, lo postam, l'arbram, lo folhum, l'auselum, lo femnum, la lenha, l'òssa, la frucha, lo bestial

4. Los mots que designan de causas compausadas de doas parts o mai s'emplegan unicament al plural.

     las bragas, las cauças, las mordassas, las morenas, los talhants, las tenalhas

• Es çò meme pels noms de fèstas, de ceremonias religiosas o de trabalhs agricòlas.

      Cendres, Pascas, Vèspras, vigilhas, cubrisons, sègas, semenilhas, vendémias

5. Plural dels mots compausats.

• Los, formats per dos noms en oposicion o per un nom seguit o precedit d'un adjectiu que lo qualifica, fan variar los dos tèrmes.

pòrta-fenèstra → pòrtas-fenèstras

nap-caulet → naps-caulets

agulha-cosent → agulhas-cosents

• Los, formats d'un adjectiu precedit d'un nom que servís de complement, o de dos noms que un es lo complement de l'autre, o d'un vèrbe e de son complement, fan variar lo darrièr tèrme.

alablanc → alablancs

terratrèmol → terratrèmols

rampalm → rampalms

còrdolor → còrdolors

sarracap → sarracaps

palfèr → palfèrs

• Dins los noms formats d'un nom seguit d'un nom suplementari, que lo completa amb l'ajuda d'una preposicion, lo tèrme complement demòra invariable.

cap d'ostal → caps d'ostal

molin de vent → molins de vent

• Pasmens, quora lo sens de la composicion s'es perdut, los noms compausats an tendéncia a èstre traitats coma de noms simples.

aigardent → aigardents

vinagre → vinagres

vidalba → vidalbas

capmèstre → capmèstres

capmàs → capmases

maldecap → maldecaps

• Se pòdon trobar de substantius que malgrat son mòde verbal, prenon la marca del plural.

paucval → paucvals (vaurien)

malagacha → malagachas (qui a le mauvais œil)

fug-l'òbra → fug-l'òbras (paresseux, fainéant)

6. Lo plural s'emplega facilament per una causa unica, o multipla, o per donar una valor expressiva.

sonar los classes; seguir las escòlas; las susors me prenon; far las patz; de cuols ; de ventres