arriscar

Occitan

Etimologia

Benlèu del latin resecare (« copar »).

Prononciacion

/arisˈka/, /arisˈka/

Sillabas

a|rris|car

Vèrb

arriscar

1. Azardar, expausar a un dangièr possible, a una escasença dobtosa.
   • Mas complètament indiferenta als umans, la vegèri tota ocupada a atudar las estelas amb un embut. Arriscava de se cremar, quina fadòrla ! «Man Trobat», (Alem Surre Garcia)
2. Prene lo risc, ausar l'azard de.
3. Ausar una paraula.
   • Precision : vos demandi pas vòstre avís, arriscariá de m'èstre una ofensa, mai es bòn que m'expliqui. «Embolh a Malamosca», (Romieg Jumèu)

s'arriscar

1. S’aventurar ; s'azardar.
   • M’arriscavi pas de li fisar mei sentiments prefonds e encara mens mei resèrvas sus l'òme eu-meteis. «Embolh a Malamosca», (Romieg Jumèu)

Variantas dialectalas

• riscar

Derivats

• arriscós

Traduccions

alemand: riskieren (de), wagen (de) anglés: hazard (en), risk (en), venture (en), dare (en) basc: arriskatu (eu) catalan: arriscar (ca)

espanhòl: arriesgar (es) francés: risquer (fr) italian: arrischiare (it) portugués: arriscar (pt), avançar (pt), aventurar (pt)

Conjugason

Lengadocian

Infinitiu	arriscar
Gerondiu	arriscant
Participi passat
	singular			plural
masculin	arriscat			arriscats
femenin	arriscada			arriscadas
Mòde indicatiu
nombre	singular			plural
persona	primièra	segonda	tresena	primièra	segonda	tresena
	ieu	tu	el ela	nosautres nosautras	vosautres vosautras	eles elas
Present	arrisqui arrisque	arriscas	arrisca	arriscam	arriscatz	arriscan
Imperfach	arriscavi	arriscavas	arriscava	arriscàvem	arriscàvetz	arriscavan
Preterit	arrisquèri	arrisquères	arrisquèt	arrisquèrem	arrisquèretz	arrisquèron
Futur	arriscarai	arriscaràs	arriscarà	arriscarem	arriscaretz	arriscaràn
Condicional	arriscariái	arriscariás	arriscariá	arriscariam	arriscariatz	arriscarián
Mòde subjonctiu
nombre	singular			plural
persona	primièra	segonda	tresena	primièra	segonda	tresena
	ieu	tu	el ela	nosautres nosautras	vosautres vosautras	eles elas
Present	arrisque	arrisques	arrisque	arrisquem	arrisquetz	arrisquen
Imperfach	arrisquèssi	arrisquèsses	arrisquès arrisquèsse	arrisquèssem	arrisquèssetz	arrisquèsson
Mòde imperatiu
nombre	singular			plural
persona	primièra	segonda	tresena	primièra	segonda	tresena
	ieu	tu	el ela	nosautres nosautras	vosautres vosautras	eles elas
Afirmatiu	—	arrisca !	—	arrisquem !	arriscatz !	—
Negatiu	—	arrisques pas !	—	arrisquem pas !	arrisquetz pas !	—
Nòtas

Catalan

Etimologia

Benlèu del latin resecare (« copar »).

Prononciacion

Oriental /ərisˈka/, /ərisˈka/

Occidental: nord-occidental /arisˈka/, /arisˈka/, valencian /arisˈkaɾ/, /arisˈkaɾ/, /arisˈka/, /arisˈka/

Sillabas

a|rris|car

Vèrb

arriscar

1. arriscar ^(oc)

Portugués

Etimologia

Benlèu del latin resecare (« copar »).

Prononciacion

Portugal /ɐʀiʃˈkaɾ/, /ɐʀiʃˈkaɾ/

Brasil /aɦiʃˈkaɾ/, /aɦiʃˈkaɾ/, /axisˈka/, /axisˈka/

Sillabas

a|rris|car

Vèrb

arriscar

1. arriscar ^(oc)