Vejatz lo contengut

Discutir:chinés

Lo contengut de la pagina non es disponible dins una autra lenga.
Apondre un subjècte
Un article de Wikiccionari.

Adieu a totes, Serà lèu vist aquí tanben, 1) Constatacion: sèm pas gaires a portar la creacion de dintradas. 2) Se se devon far de corregidas, a mon vejaire pas pro documentadas per part de la persona que las fa e seguidoira de modèls a) que laissan pas gaire de plaça a las variantas e qu'a mon vejaire b) escotan pas las idèas/opinions/vejaires dels autres, farai coma o faguèri sus la Wikipèdia vendrai un usancièr passiu... e aital i ganharetz, podretz escriure coma o voldretz (se se fa segur...) e sens problèmas... Tròbi (e es çò qu'ensagi de far) qu'abans de far una supausada "correccion" caldriá (e m'agradariá) que se ne parlèsse abans se foguèsse possible. Ieu, contràriament a d'unes pensi pas d'aver la vertat universala sus la lenga o lo demai, çò que constati (vist que la discussion se faguèt ja sus Wikipèdia (tre que vesi un problèma ensagi de veire la situacion e çò que i a) e coma Mistral èra pas citat, lo soi anat veire. Pro curiosament, la forma còdi (semblanta a la dels catalans o a codice italian e a código espanhòl que per contra ven del latin CODEX) sembla d'èsser la forma medievala, designada per rom a la debuta de l'article. Ma suposicion es que coma avèm perdut l'administracion occitana dempuèi un brave temps, una forma francizada a remplaçat çò que deuriá èsser la forma normala, qu'es a mai pro presenta dins l'escrich modèrn coma o atèstan los diccionaris que citères temps enlà. Coralament, Capsot 16 de març 2008 a 11:00 (UTC)

Ai pas cap de pretencion... Soi pas lingüista... Pensavi contribuir a una màgera coeréncia globala... Se "còdi" sembla melhor aicí, o respectarai... L'argumentacion qu'ai legida sus Wikipèdia en favor de la forma "còde" èra plan argumentada, mas, m'es egal... Desencusa! Evitarai de tocar los tèxtes e me consacrarai d'ara enlà pas qu'a la mantenença tecnica, donat que m'i soi "engatjat" en acceptant la mission d'administrator. --Cedric31 16 de març 2008 a 11:07 (UTC)
Pòdi ensajar de comprendre la "necessitat" imperiosa de corregir se pensam qu'avèm rason... pasmens dins tota societat "normala" abans de far una correccion s'atribuïs una foncion de corrector a una persona (a l'escòla o per un autor) e sovent pòdon èsser contestadas las correccions se se pensa qu'aquestas o una part d'aquestas son inexactas o injustificadas. Personalament, se la discussion se resumiguèt a çò que legiguèri la responsa "plan argumentada" foguèt la seguenta: "La forma normativa es còde segon lo diccionari d'Alibèrt.", çò qu'es pas, a mon vejaire, una argumentacion mas una afirmacion (fondamentada sonque sus una òbra, o disi de passatge! mas segur es la Bíblia!). Lo foncionar de la correccion demanda una precaucion essenciala vist que la lenga es variadissa (es per exemple plan malaisit de far de reviradas de còps que i a) e a mon vejaire d'en primièr per respècte cap als autres (quina que siá sa competéncia lingüistica e segur dau mai serà nauta dau mai cal èsser cauteloses, cresi (mas benlèu m'engani)) ne cal parlar per saber 1) s'es vertadièrament una error (de picada o autra), 2) una causida personala que pòt èsser considerada per d'unes coma una cagada, 3) una varianta o causida pas acceptada pels que prepausan pas qu'una solucion (e pas forçadament la mai legitima) quand la lenga ne porgís mai d'una.

Pasmens te vòli pas balhar de leiçons (soi pas mai o superior als autres, ensagi sonque de far avançar las causas, s'o pòdi mas benlèu m'engani e fau de conariás... dins aqueste cas tanben m'o cal dire...), es sonque un conselhon de formulacion que pòdes causir d'escotar o pas. Pensi que la civilitat es essenciala per far avançar las causas e en defòra d'aqueste detalh que considèri pas grèu se ven pas sistematic, t'o tòrni dire aprecii fòrça ton trabalh de gestion/administracion e creacion. Aquí, al còp que ven e òsca per ton trabalh, amistats, Capsot 16 de març 2008 a 11:31 (UTC)

Bon... Que podèm far alara? Prepausi de crear una pagina especifica ont se poiriá evocar las causidas graficas, mas l'experiéncia sus Wikipèdia m'a ensenhat que las decisions son totjorn fòrça discutidas e que sovent, cadun demòra amb son vejaire... Te mercegi per tos conselhs e los crèsi avisats ; se cadun cambia tala o tala forma d'un mot sens far validar sas causidas, aquò pòt semblar un pauc directiu, d'un autre costat seriá mai aisit e mai coerent que las causidas sián las meteissas dins totes los projèctes de lenga occitana de Wikimèdia... --Cedric31 16 de març 2008 a 11:47 (UTC)