bugada

Occitan

Etimologia

Derivat del vèrb francic *bukon.

Prononciacion

/byˈɣaðo/, /byˈɣaðo/

França (Bearn) : escotar « bugada »

Nom comun

Declinason
Dialècte : lengadocian
Singular	Plural
bugada	bugadas
[byˈɣaðo]	[byˈɣaðos]

bugada femenin

1. Accion de netejar la farda.
   • Josèp comencèt lèu de s'agrolir dins sos anars e dins son vestit ... Coma un vièlh garcon fasiá sa bugada e sa cosina. Mas aviá pas lo gost de petaçar ni de padenejar. «Las domaisèlas» (Joan Bodon).
2. Lo linge netejat.
   • Demandavan se i aviá pas de botons de tornar cóser, de pòchas de petaçar o de biaudas de sarcir, e mai tanben de farda per lavar qu'amb aquel polit temps la bugada seriá lèu seca. «La quimèra» Joan Bodon

Sinonims

• ruscada

Variantas dialectalas

• bujada (lemosin), (auvernhat)
• bujaa (vivaroalpenc)
• buaa (vivaroalpenc)

Derivats

• abugadar (lengadocian)
• bugadaira (lengadocian)
• bugadar (lengadocian, provençau)
• bugadariá (lengadocian)
• bugaderia (gascon), (provençau)
• bugadèr (gascon)
• bugadièr (lengadocian)
• bugadier (provençau)
• bugadièra (lengadocian)
• bugadon (provençau), (vivaroalpenc)
• bugador (lengadocian, provençau)
• embugadar (provençal)

Provèrbi

• Amor de nòra, amor de gendre, es una bugada sens cendre

Traduccions

alemand: Wäsche (de) femenin anglés: laundry (en), washing (en) breton: bervadenn (br) (f), kannadenn (br) (f) catalan: bugada (ca) femenin espanhòl: colada (es) femenin francés: lessive (fr) femenin francoprovençau/arpitan: buya (frp) italian: bucato (it) lorenc roman: buaïe (lorenc) peitavin-santongés: bujhàie (peitavin-santongés), buàie (peitavin-santongés) (granda) / buallun (peitavin-santongés), froterie (peitavin-santongés), laverie (peitavin-santongés) (petita) portugués: lavagem (pt) valon: bouwêye (wa)

Forma de vèrb

bugada femenin

1. tresena persona del singular del present de l'indicatiu de bugadar
2. segonda persona del singular de l'imperatiu afirmatiu de bugadar

Catalan

Etimologia

Derivat del vèrb francic *bukon.

Prononciacion

/buˈɣaðə/, /buˈɣaðə/ (oriental), /buˈɣaða/, /buˈɣaða/ (occidental)

Nom comun

Declinason
Singular	Plural
bugada	bugades
[buˈɣaðə]	[buˈɣaðəs]

bugada femenin

1. Bugada.

Derivats

• bugadejar
• bugader
• bugaderia